१०औँ वार्षिक उत्सवको अवसरमा साम्पदा लघुवित्तद्वारा शैक्षिक सामग्री वितरण

विद्यालयका बालबालिकालाई सहयोग गर्दै सामाजिक उत्तरदायित्वमा संस्थाको सक्रिय सहभागिता

साम्पदा लघुवित्त वित्तीय संस्था लिमिटेडले आफ्नो वित्तीय सेवाका साथै सामाजिक रूपान्तरण र उत्तरदायित्वका कार्यहरूलाई पनि निरन्तरता दिँदै आएको छ । यसै क्रममा संस्थाको १०औँ वार्षिक उत्सवको सुखद अवसर पारेर साम्पदा लघुवित्तले आफ्नो संस्थागत सामाजिक उत्तरदायित्व (CSR) अन्तर्गत एक विशेष र प्रेरणादायी शैक्षिक सहयोग कार्यक्रम सम्पन्न गरेको छ ।

स्थानीय समुदाय र विपन्न वर्गका बालबालिकाको शिक्षामा पहुँचलाई सहज बनाउने र उनीहरूलाई अध्ययनप्रति थप प्रोत्साहन गर्ने उद्देश्यले यो कार्यक्रम आयोजना गरिएको हो । कार्यक्रममा विद्यालयमा अध्ययनरत् स-साना विद्यार्थीहरूको पठनपाठनमा सहयोग पुग्ने गरी आवश्यक कापी तथा कलमलगायतका विविध शैक्षिक सामग्रीहरू वितरण गरिएको थियो । सामग्री पाएपछि विद्यार्थी तथा विद्यालय परिवारमा खुसी र उत्साह छाएको छ ।

दुर्गम तथा विपन्न क्षेत्रका बालबालिकाको भविष्य उज्ज्वल बनाउन शिक्षामा गरिने सानो सहयोगले पनि ठूलो अर्थ राख्छ भन्ने विश्वासका साथ साम्पदा लघुवित्तले आगामी दिनमा पनि यस्ता सामाजिक र समुदाय केन्द्रित अभियानहरूलाई निरन्तरता दिँदै जाने प्रतिबद्धता व्यक्त गरेको छ । संस्थाले व्यावसायिक सफलतासँगै समाजप्रतिको आफ्नो जिम्मेवारीलाई सधैं उच्च प्राथमिकतामा राख्दै आएको छ ।