इन्फिनिटी लघुवित्तको नाफा दोब्बर, वित्तीय वृद्धिमा उत्कृष्ट प्रगति

 

काठमाडौँ — इन्फिनिटी लघुवित्त वित्तीय संस्था लिमिटेडले गत आर्थिक वर्षको चौथो त्रैमाससम्मको अपरिष्कृत वित्तीय विवरण सार्वजनिक गर्दै खुद नाफामा उल्लेख्य वृद्धि भएको जानकारी दिएको छ। संस्थाले सो अवधिमा कुल ९ करोड ३७ लाख रुपैयाँ खुद नाफा आर्जन गरेको छ, जुन अघिल्लो वर्षको सोही अवधिको तुलनामा १०४.७१ प्रतिशत ले वृद्धि हो र  वितरणयोग्य नाफा ८ करोड ३२ हजार रुपैयाँ पुगेको छ, जुन अघिल्लो वर्षको ऋणात्मक ४९ लाख १८ हजार रुपैयाँबाट धनात्मक भएको हो।

संस्थाको खुद ब्याज आम्दानी ३९.६४ प्रतिशतले वृद्धि भई ४० करोड ४९ लाख रुपैयाँ पुगेको छ। यससँगै खुद शुल्क तथा कमिसन आम्दानीमा पनि ४९.६७ प्रतिशतको उछाल आएर ७ करोड २७ लाख रुपैयाँ पुगेको छ।

कुल सञ्चालन आम्दानी ४०.९३ प्रतिशतले वृद्धि भई ४३ करोड ५६ लाख रुपैयाँ कायम भएको छ भने सञ्चालन खर्च वृद्धि भए तापनि सञ्चालन मुनाफा १७०.७७ प्रतिशतले बढेर  १३ करोड ४९ लाख रुपैयाँ पुगेको छ। यो संस्थाको व्यवसायिक बलियो भएको  संकेत हो।

संस्थाको निक्षेप संकलन १ अर्ब ३९ करोड रुपैयाँ पुगेको छ भने कर्जा प्रवाह ५ अर्ब ८३ करोड रुपैयाँ कायम छ। खराब कर्जा अनुपात १०.१९ प्रतिशतबाट घटेर ७.४३ प्रतिशतमा सीमित भएको छ, जसले संस्थाको लगानी गुणस्तरमा सुधार देखाउँछ।

प्रतिशेयर आम्दानी ९ रुपैयाँ ६४ पैसा बढेर १८.८५ रुपैयाँ पुगेको छ। प्रतिशेयर नेटवर्थ १५६ रुपैयाँ ६५ पैसा कायम रहेको छ भने मूल्य-आम्दानी अनुपात ४६.१६ गुणा रहेको छ।

अझै संस्थाको चुक्ता पूँजी ४९ करोड ७४ लाख रुपैयाँ रहेको छ र जगेडा कोष २० करोड १७ लाख रुपैयाँमा वृद्धि भएको छ।

यो समग्र तथ्यांकले इन्फिनिटी लघुवित्त वित्तीय संस्थाको आर्थिक सुदृढीकरण र दीगो वृद्धि प्रक्रियामा रहेको विश्वासलाई बलियो बनाउँछ।